Olabisi Onabanjo University

Olabisi Onabanjo University

university

Year dem found am	1982
Country	Nigeria
Edey de administrative territorial entity insyd	Ogun State
Member of	Association of African Universities
Dema official website	http://www.oouagoiwoye.edu.ng

Olabisi Onabanjo University, Ago-Iwoye be state-owned varsity wey dey locate insyd Ago-Iwoye, Ogun State, Nigeria. Dem found de varsity for 7 July 1982 as Ogun State University (OSU) wey dem rename am Olabisi Onabanjo University for 29 May 2001, for honour of Olabisi Onabanjo, wey ein efforts as de then civilian governor of Ogun State give birth to de varsity. Chaw students still dey refer to de institution as OSU, acronym for de former name.

De varsity get total output of 10,291 graduates den 1,697 postgraduates.^[1]

De varsity sanso dey provide opportunity for students make dem pursue quality education for low cost, as e dey charge minimal tuition fees compare to oda institutions.

Olabisi Onabanjo University get multiple campuses. De Main Campus insyd Ago-Iwoye dem popularly dey bell am Permanent Site (PS) by de students den Mini Campus wey na ebe de home of de Faculty of Science til dem move am to de permanent site insyd January 2013. De Faculty of Agriculture dey insyd Aiyetoro, de Faculty of Engineering dey insyd Ibogun, de College of Medicine, de faculties of Basic Medical Sciences den Pharmacy dey insyd Shagamu. Dem dey address de students den alumni of de Olabisi Onabanjo University as ‘Great OOUITES.’

Dem de communicate information den activities amidst Students thru de school ein portal as well as notable privately owned magazines/ social media handles such as 'OOU Fola', 'OOU Media' 'OOU Campus Mirror' 'OOU Press Club', 'OOU Update', 'OOU Gazette', 'OOU Premium', 'OOU Parrot', 'Inside OOU magazine', 'OOU Vanguard', 'OOU Voice',‘Omo olabisi’ den few odas.

De mini campus OOU, Centre for Continuous Education (CCED) now be de pre-degree studies unit, Diploma den Jupeb while de main campus be de heart of undergraduate programs.

1. ↑ "Welcome message". www.oouagoiwoye.edu.ng. Retrieved 22 April 2020.